Son onilliklər ərzində Rusiyada öhdəliklərini yerinə yetirməmək tendensiyası yer alıb.

Oxu.Az xəbər verir ki, bu barədə Fransa Prezidenti Emmanuel Makron "X" sosial şəbəkəsində Rusiya və ABŞ liderlərinin Rusiya-Ukrayna müharibəsinin həlli üzrə Ankoric görüşünün nəticələrini şərh edərkən yazıb.

O, paylaşımda Alyaska sammitindən sonra ABŞ Prezidenti Donald Tramp, Ukrayna lideri Volodimir Zelenski və avropalı tərəfdaşlarla bugünkü koordinasiya görüşünü şərh edib.

"Son 30 ilin bütün dərslərini, xüsusən Rusiyanın öz öhdəliklərini yerinə yetirməmək meyilindən öyrənmək lazımdır", - Makron qeyd edib.

Makron vurğulayıb ki, Ukraynada sülh sarsılmaz təhlükəsizlik təminatları tələb edir, bunun inkişafı üçün "Könüllülər Koalisiyası" avqustun 17-də ABŞ-nin iştirakı ilə onlayn formatda təcili toplantı keçirəcək.

Böyük Britaniyanın Baş naziri Kir Starmer, Almaniya kansleri Fridrix Merts və Emmanuel Makron sədrlik edəcəklər. Görüş zamanı Rusiya-Ukrayna müharibəsində sülhün bərqərar olması ilə bağlı müzakirələrdə növbəti addımlar müzakirə ediləcək.