Gəncənin qazı Şəmkirdəki istixanalara gedir? – ŞİKAYƏT
30-11-2016, 00:49

Nərimanov Prospektində yaşayan sakinlər “Azəriqaz”a müraciətlərinin cavabsız qaldığını deyirlər
Bu günlərdə Gəncə şəhəri Nəriman Nərimanov prospekti ərazisində yaşayan bir qrup vətəndaş Qafqaz Xəbər Agentliyinə müraciət edib. Onların sözlərinə görə, son bir ayda qaz təchizatında ciddi problemlər müşahidə olunur. “Dəfələrlə Gəncə Qaz İstismarı İdarəsinə və “Azəriqaz”a müraciət etmişik ki, qazın təzyiqi aşağıdır, normal qaz istifadə edə bilmirik… Lakin bir tədbir görülmür. Qaz idarəsindən deyirlər ki, “yuxarılıqdır”. Şəhərin bəzi hissələrinə normal qaz verilir, bəzi hissələrinə yox. Nərimanov prospektində ümumiyyətlə qazın varlığı ilə yoxluğu bilinmir”, – deyə vətəndaşlar bildirib.

“Onlar müraciət ediblər, lakin bir nəticə yoxdur. Qazın təzyiqi çox aşağıdır”, – deyə qeyd etdik. “Yaxşı, mən özüm işə qayıdanda bu məsələ ilə maraqlanaram”, – deyə İ.Kərbəlayev əməkdaşımıza söz verdi. Gəncə Qaz İstismar İdarəsinin mühəndisi Asif Əliyev isə bildirdi ki, Nərimanov Prospektində həqiqətən də bəzi problemlər mövcuddur.
“Qəza xidmətindən əməkdaşlar gedib, hazırda orda işləyirlər. Əlavə iki xəttin də çəkilməsinə başlamışıq. Tezliklə, şəhərin qaz təchizatındakı problemlər aradan qalxacaq”, – deyə A.Əliyev bildirdi. Gəncə Şəhər İcra hakimiyyəti ilə əlaqə saxlamağa dəfələrlə cəhd etsək də,zənglərimizə cavab verən olmadı. Qafqaz Xəbər Agentliyi bu məsələni öz gündəmində saxlayacaq.