Bu il mobil operatorlar 780 milyon manat gəlir əldə edib.

Dövlət Statistika Komitəsindən verilən məlumata görə, cari ilin yanvar-noyabr ayları ərzində informasiya və rabitə müəssisələri 1 552,9 milyon manatlıq xidmət göstərib ki, bunun da 72,6%-i əhali tərəfindən istehlak olunub.

Ötən ilin eyni dövrü ilə müqayisədə informasiya və rabitə xidmətlərinin dəyəri real ifadədə 5,9% artıb, bu sahədə əldə edilmiş gəlirin 81,1%-i qeyri-dövlət sektorunun payına düşüb.

Xidmətlərdən əldə edilən gəlirin 50,2%-i (779,7 milyon manatı) mobil telefon rabitəsi sahəsində formalaşıb.