Eminemdən tutmuş “50 Cent”ə qədər bir çox məşhurlarla çalışmış DJ Kay Slay 55 yaşında vəfat edib.

“Haber Global”ın məlumatına görə, hip-hop musiqisində “mixtape” mədəniyyətinin önəmli simalarından biri olan musiqiçi koronavirusla mübarizədə məğlub olub.

Həm də qraffiti sənətçisi olan hip-hop ikonasının əsl adı Kit Qreyson idi. Səhnədə DJ Kay Slay adından istifadə edən uğurlu müğənni uzun müddətdir ki, COVID-19-la mübarizə aparırdı. O, yanvar ayında xəstəxanaya yerləşdirilib və süni tənəffüs aparatına qoşulub.

Kay Slay 90-cı illərdə musiqidə ön plana çıxıb, “Columbia Records” ilə müqavilə bağlayıb və altı albom çıxarıb. Son albomu “The Soul Controller” 2021-ci ilin dekabrında, musiqiçi xəstəxanaya yerləşdirilməzdən bir müddət əvvəl buraxılıb.