Təyyarə Northrop Grumman şirkəti tərəfindən hazırlanıb və ilk dəfə 1989-cu ildə ictimaiyyətə təqdim olunub. B-2 yüksək texnologiyalı “stealth” (radara görünməyən) sistemlə təchiz edilib, bu da onu düşmən radarları üçün demək olar ki, görünməz edir. Əsas vəzifəsi nüvə və konvensional bombalarla strateji zərbələr endirməkdir. Təyyarə həm yüksək, həm də alçaq hündürlükdə radarlar tərəfindən aşkar olunmadan uça bilir.
B-2-nin unikal “uçan qanad” forması aerodinamik üstünlüklərlə yanaşı, gizli hərəkət qabiliyyətini də artırır. İdarəetmə iki pilot tərəfindən həyata keçirilir. B-2 nüvə silahı daşıya bilən azsaylı təyyarələrdən biridir. Onun havada olarkən yanacaq doldurmaq imkanı uçuş məsafəsini və döyüş tapşırıqlarının icra gücünü xeyli artırır. ABŞ ordusunun cəmi 20 ədəd B-2 Spirit təyyarəsi mövcuddur və hər biri təxminən 2 milyard ABŞ dollarına başa gəlir.
B-2 Spirit ilk döyüş əməliyyatını 1999-cu ildə Kosovoda həyata keçirib və uğurlu nəticələr əldə edib. Təyyarələr ABŞ-ın Missuri ştatındakı Whiteman Hava Bazasında yerləşir. B-2 ABŞ-ın ən strateji və güclü hava hücum vasitələrindən biri sayılır. Maksimal sürəti təxminən 1.010 km/saatdır və bu sürət subsonik səviyyədədir. Onun uçuş məsafəsi 11.000 kilometrdir, lakin havada yanacaq doldurmaqla bu məsafə daha da artır. B-2 Spirit təxminən 18.000 kiloqram ağırlığında bomba və silah yükü daşımaq gücünə malikdir.
Джавид Дамирли
TEREF