"Bu gün nömrə bir olmaq pula bağlıdır. Əgər pulun varsa, yüksəklərdə yer alacaqsan".

Axşam.az-ın məlumatına görə, bu sözləri müğənni İlhamə Qasımova "ATV maqazin onlarla" verilişinə açıqlamasında deyib. O, istedada yox, pula önəm verilməsindən şikayətlənib:

"İstedadı olmayanlar nömrə bir davasındadırlar. Belə insanlar düşünməlidir ki, pul qurtaranda, pillə-pillə aşağı düşəcəm. Axı onlar gülməli görünürlər. İstedadın bir cəhəti var ki, pul qurtaranda yaxşı işlə tamaşaçı yaddaşında qalır. Pulla gündəmə gələnlər isə bir-iki ay efirdə olmayanda unudulurlar. Həmişə ikibaşlı danışıram, heç kim sözümdəki dərin mənanı tutmur. Əgər kimsə onu tutsa, onda mənə rəqib olar".