Əfsanəvi "Breaking Bad" serialı ilə məşhurlaşan, baş rol oyunçusu Aaron Paul Sturtevant rəsmi olaraq adını dəyişdi.

Lent.az xarici KİV-ə istinadən xəbər verir ki, məşhur aktyor soyadını tələffüz etmək çox çətin olduğu üçün dəyişdirmək qərarına gəlib.

Aaron Paulun özünün və ailəsinin rəsmi soyadlarının dəyişdirilməsi ilə bağlı müraciəti təsdiqlənib.

Digər tərəfdən, doğulduqdan sonra Kasper Emerson Paul adını verən Aaron Paul oğlunun adının dəyişdirilməsini də istəyib. Xahişi qəbul edilən Aaron Paul-Lauren Parsekyanın 8 aylıq körpəsinə indi rəsmi olaraq Ryden Caspian Paul adı veriləcək.