Azərbaycanlı pianoçu Səidə Zülfüqarova Fransada Beynəlxalq Sülh günü münasibətilə "Sülh naminə və zorakılığa qarşı" mövzusunda keçirilmiş konsertdə ölkəmizi təmsil edib.

"Report"un Qərbi Avropa bürosu məlumat verir ki, Karyer-su-Puasi şəhəri meriyasının dəstəyi ilə Alzas İdman Kompleksində keçirilən konsertdə şəhərin meri, UNESCO-nun xoşməramlı səfiri, "Sülh artisti" Amri Aminov və digər şəxslər iştirak ediblər.

Paris Operasının müğənnisi İrina Kopylovanın ifasında Səidə Zülfüqarovanın piano müşayiəti ilə “Sarı gəlin”Azərbaycan xalq mahnısı iştirakçıların gürültulu alqışları ilə qarşılanıb. Konsertdə Paris Filarmoniyasının orkestr ansamblı da çıxış edib.