Türkiyə polisi terrorçu Kürd Fəhlə Partiyasının (PKK) gənclik qolu sayılan YDG-nin ölkə üzrə “cavabdeh” olan iki terrorçusunu həbs edib.

AzVision.az türk mətbuatına istinadən xəbər verir ki, Mahir Can Ada və Mehmet Başer saxta sənədlərlə Şanlıurfa-Gaziantep İpek Yolunda avtomobildə gedərkən saxlanılıb.

Hazırda onlarla əlaqəsi olan digər iki terrorçunun axtarışına başlanılıb.

Həbslər PKK daxilində ciddi narahatlıq yaratmaqla yanaşı gərginliyi də artırıb. Bunun nəticəsidir ki, terrorçu qruplaşmanın liderlərindən biri kod adı “Mervan” olan Mehmet Altunterun ürəyindən vurularaq öldürülüb.