Türkiyə üzərində müşahidə uçuşları keçirən Rusiya təyyarələrinin fəaliyyəti dayandırılıb.

Axar.az xəbər verir ki, bu barədə Rusiya Müdafiə Nazirliyinin sözçüsü İqor Konaşenkov məlumat verib.

Nazirlik rəsmisinin sözlərinə görə, bu qərar Ankaranın tələbindən sonra verilib:

“Türkiyə planlaşdırılan nəzarət uçuşunun təxirə salınması tələbi ilə Rusiya Müdafiə Nazirliyinə rəsmi olaraq müraciət etdi. Biz də Türkiyədəki mövcud vəziyyəti nəzərə alaraq uçuşların təxirə salınmasına qərar verdik”.

Digər tərəfdən Konaşenkov müşahidə uçuşunun nə zaman reallaşacağına dair məlumat verməyib.

Xatırladaq ki, Müdafiə Nazirliyinin nümayəndəsi Sergey Rıjkov rusiyalı pilotlardan ibarət bir qrup mütəxəssisin bu gün səhər Türkiyə hava sahəsində müşahidə uçuşuna başladığını açıqlamışdı.