Türkiyədə axtarışda olan və vaxtı ilə “Ergenekon” işini araşdıran xüsusi səlahiyyətli sabiq prokuror Zəkəriyyə Öz “İnstagram” da şəkil paylaşıb.

AzVision.az xəbər verir ki, Almaniyada sığınan Z.Öz qiyməti milyon yarım dollar olan “Bugatti Veyron” markalı avtomobili ilə şəkil çəkdirərək hesabından yayıb.

Qeyd edək ki, onun haqqında çıxarılan həbs qərarından 12 saat öncə əvvəlcə Gürcüstana, oradan Ermənistana, daha sonra Almaniyaya keçdiyi bildirilirdi. Almaniya hökuməti İnterpolun “qırmızı xətti” ilə axtarışda olan Zəkəriyyə Özü Türkiyəyə təhvil verməkdən imtina edir.