Həmkarlar ittifaqlarının konfransında çıxış edən Türkiyə prezidenti Rəcəb Tayyib Ərdoğan bəyan edib ki, 10 oktyabrda Ankarada baş verən terror aktını İŞİD və PKK təşkil edib.

Avropa.info xəbər verir ki, Ərdoğana görə, bir-biri ilə barışmaz mövqedə dayanan iki düşmənin eyni terror aktında iştirakı onunla izah olunur ki, əməliyyat Suriya kəşfiyyatı “Müxəbərat”, Əsədin xüsusi xidmət orqanları tərəfindən idarə olunub.

Xatırladaq ki, 102 nəfərin öldüyü 10 oktyabrda baş verən partlayış Türkiyənin tarixinin ən qanlı terror aktı kimi tarixə keçmişdi.