AKP-nin qarşısında ən böyük problem "Pelikan" adı verilən paralel bloqdur.

Axar.az xəbər verir ki, bu sözləri Türkiyə Prezidenti Rəcəb Tayyib Ərdoğanın keçmiş yazarı Aydın Ünal bildirib.

"Həqiqətləri ört-basdır etmək təbliğat deyil. Problemləri pərdələmək yeni və daha böyük problemlər doğurur. AKP özünü sürətlə aşağı çəkən bu quruluşdan təcili xilas olmalıdır", - Ünal vurğulayıb.

Qeyd edək ki, “Pelikan dosyesi” Türkiyədə siyasi böhranın yaranmasına səbəb olan bloqdur. 1 may 2016-cı ildə bu bloqda Türkiyənin o zamankı Baş naziri Əhməd Davudoğlunun Prezident Rəcəb Tayyib Ərdoğana xəyanət etməsi haqqında informasiya yerləşdirilib. Böyük rezonansa səbəb olan yazı 22 mayda Davudoğlunun gözlənilmədən istefaya getməsi ilə aylarla gündəmi zəbt edib.