Türkiyədə müxalif Milliyyətçi Hərəkat Partiyasında (MHP) bəzi simalar Devlət Baxçalının yerinə partiya sədri olaraq Maral Akşeneri görmək istəyir.

Avropa.info xəbər verir ki, mətbuatda yayılan xəbərlərdə bəzi partiya üzvlərinin Akşenerlə görüşərək onu razı salmağa çalışdığı bildirilir.

7 iyun seçkiləri zamanı qazandığı 17 %-ə yaxın səsi 1 noyabr seçkilərində 12 %-ə salan Devlət Baxçalının partiya daxilində nüfuzunu itirdiyi bildirilir.

Belə ki, partiyanın mərkəzi ofisinə hər gün yüzlərlə telefon zəngi gəlir və partiya tərəfdarları sanki “artıq bəsdir” deyərək öz etirazlarını bildirirlər.

“Habertürk” saytının dərc etdiyi xəbərə görə belə bir vəziyyətlə partiya daxilində və xaricindəki nüfuzlu şəxslər də boş dayanmır.

Milliyyətçilərin bir çoxunun 1 noyabr seçkilərində adı siyahıdan çıxarılan Maral Akşeneri sədr postunda görmək istədiyi də heç kəsə gizli deyil.