Rusiya Özbəkistanda ikitərəfli iqtisadi əməkdaşlıq və biznes proqramı çərçivəsində 13 milyard dollar dəyərində investisiya layihələri həyata keçirəcək.

Azərtac xəbər verir ki, bu barədə Özbəkistan Prezidenti Şavkat Mirziyoyevin Özbəkistanda səfərdə olan Rusiyanın Baş naziri Dmitri Medvedevlə görüşündə məlumat verilib.

Görüşdə ölkələr arasında siyasi, ticari-iqtisadi, mədəni, humanitar sahələrdə əlaqələrin daha da genişləndirilməsi istiqamətində fikir mübadiləsi aparılıb.

Danışıqlar zamanı “Rosatom” şirkətinin Özbəkistanda inşa etdiyi atom elektrik stansiyasının tikintisi məsələləri də diqqət mərkəzində olub.