Qırğızıstanda koronavirusla mübarizə tədbirləri çərçivəsində çoxmərtəbəli binanın bloklarının giriş qapısı bağlanıb.

Cebhe.info xəbər verir ki, bu barədə İsık-Kul vilayətinin polis bölməsindən bildirilib. Məsələ burasındadır ki, binadakı vətəndaşlardan birində koronavirus şübhəsi yaranıb. O, yaxın zamanda Hindistandan qayıdıb, lakin son zamanlar təmasda olduğu şəxslərin adını açıqlamaqdan imtina edib.

Buna görə də onun yaşadığı çoxmərtəbəli binanın bütün bloklarının giriş qapısı qaynaqlanıb. Həmçinin binanın həyətində milis keşik çəkir. Qapılar ancaq dərman və ərzaq verilməsi üçün polis nəzarətində açılır.