Türkiyə Xarici İşlər naziri Mövlud Çavuşoğluyla rusiyalı həmkarı Sergey Lavrov arasında baş tutan telefon danışığının detalları açıqlanıb.

Publika.az xəbər verir ki, bu barədə "Anadolu" agentliyi diplomatik mənbələrə istinadla məlumat yayıb.

Türkiyə XİN rəhbəri bildirib ki, ermənilər işğal altında saxladıqları torpaqlardan çıxmayınca, erməni işğalına son qoyulmayınca münaqişənin nizamlanmasına yönəlmiş danışıqlardan söhbət belə gedə bilməz.

"Əgər bu gün atəşkəs barədə anlaşma əldə olunsa belə, ermənilərin işğalına son qoyulmazsa, hərbi əməliyyatlar yenidən başlayacaq", - Çavuşoğlu bəyan edib.