“Cenevrədə başlanan Suriya danışıqları nəticəsiz olarsa, Türkiyə ilə birlikdə suriyalı müxalifləri hərbi qüvvə ilə dəstəkləyəcəyik.”

Avropa.info xəbər verir ki, bunu Səudiyyə Ərəbistanının xarici işlər naziri Adil əl Cübeyr deyib.

Cubeyr bununla bağlı dünən Riyadda Türkiyə baş naziri Əhməd Davudoğlu və Səudiyyə Ərəbistanı kralı Salman bin Abduləziz əl Səud arasında razılaşma əldə olunduğunu deyib.

Qeyd edək ki, Cenevrədə keçirilən Suriya müzakirələrinə Səudiyyə Ərəbistanının dəstəklədiyi siyasi və kiçik hərbi qruplar qatılıb. Türkiyənin dəstəklədiyi və Suriyanın ən böyük müxalif qruplarından olan Əhrarus-Şam hərbi qruplaşması isə bu toplantıya qatılmaqdan imtina edib.
teref.az