Beynəlxalq Ana Dili Günündə ən çox uşaqlar sevinir. Lakin onların öz ana dilində oxuyub-yazması üçün Şimali Azərbaycanın yardımına ehtiyac var.

Bu sözləri Axar.az-a tanınmış güneyli yazar və jurnalist Məsud Haray deyib.

“Builki bayramda (21 Fevral – Beynəlxalq Ana Dili Günü) zəlzələdən zərər görmüş Xoy şəhərində və onun ətrafındakı kəndlərdə kitab paylanması mərasimi baş tutub. Yeni nəsl ən güclü silahla - kimliyimizi ifadə edən dilimizlə silahlanırlar. Şimali Azərbaycandakı dil, mədəniyyət sevən qardaşlarımıza səslənmək istəyirəm ki, əllərindən gəlirsə, orada yayımlanan uşaq ədəbiyyatı kitablarını Güney Azərbaycana çatdırmaq üçün bir kampaniyaya başlasınlar. Çünki güneyli uşaqların da gözü əvvəl-axır latın əlifbasına alışmalıdır. Bütöv Azərbaycan uğruna oradakı uşaqlarımıza da kitab göndərsinlər”, - o bildirib.