Türkiyədə baş vermiş zəlzələ nəticəsində dağılmış binaların yalnız 3,3 faizi 1999-cu ildən sonra inşa edilib.

APA-nın İstanbul müxbirinin verdiyi xəbərə görə, bu barədə ölkənin ekologiya, şəhərsalma və iqlim dəyişikliyi naziri Murat Kurum bildirib.

O, dağıntılara inşa zamanı yol verilmiş səhvlərin də səbəb olduğunu qeyd edib.

Bundan əlavə, M. Kurum bildirib ki, Türkiyədə şəhər dəyişikliyi (transformasiyası) məqsədi ilə 3 milyon 300 min ev yenidən təmir edilib.