Türkiyə NATO-nun yaradılmasına dair Vaşinqton Müqaviləsinin “kollektiv müdafiə” üzrə 5-ci maddəsinə bənzər şəkildə Kiyevə təhlükəsizlik zəmanəti verməyə razı olmayacaq.

Publika.az xəbər verir ki, bunu lenta.ru-ya müsahibəsində Türkiyə Prezidenti Rəcəb Tayyib Ərdoğan yanında Təhlükəsizlik və Xarici Siyasət Şurasının üzvü, Altınbaş Universitetinin rektoru Çağrı Erhan deyib.

“Türkiyə NATO ölkəsidir. Və NATO razılaşmalarına görə, biz başqa bir təhlükəsizlik zəmanəti sisteminin bir hissəsi ola bilmərik”, - o izah edib.

Ərdoğanın məsləhətçisinin sözlərinə görə, Ankara bütün münaqişə boyu Rusiya və Ukrayna arasında yalnız vasitəçi rolunu oynayıb və tərəflərə sülh yolu ilə nizamlanma vizyonunu tətbiq etməyib. Türkiyə hələ də münaqişə tərəfləri arasında ortaq məxrəcə gələ biləcək birbaşa danışıqlara şərait yaratmağa çalışır.

Bundan əvvəl Rusiya xarici işlər nazirinin müavini Mixail Qaluzin 2022-ci ilin aprelində İstanbulda keçirilən danışıqlarda Rusiyanın və digər dövlətlərin Ukraynaya NATO-nun yaradılması haqqında Vaşinqton Müqaviləsinin 5-ci maddəsinə bənzər təhlükəsizlik təminatları verəcək sülh yolu ilə nizamlanma ssenarisinin müzakirə edildiyini bildirib.