Ankaradakı diplomatik mənbə bildirib ki, Rusiya prezidenti Vladimir Putinin Türkiyəyə fevral ayına planlaşdırılan səfəri ilkin olaraq aprelin sonu - mayın əvvəlinə təxirə salınıb.
Rusiya Federasiyası və Türkiyə prezidentləri Vladimir Putin və Rəcəb Tayyib Ərdoğan arasında təmas üçün hazırlıqlar davam edir, tarixlər razılaşdırılacaq. Bu barədə TASS-a Rusiya liderinin mətbuat katibi Dmitri Peskov bildirib.
Bundan əvvəl Türkiyə tərəfdən Putinin bu ölkəyə səfərinin təxirə salındığı barədə məlumat yayılıb.
“Xeyr. Mən ziyarətin təxirə salındığını təsdiqləyə bilmərəm. Müddət elan olunmayıb”, Peskov bildirib.
Mətbuat katibi həmçinin bildirib ki, ən yüksək səviyyədə təmaslar var və hazırlıq davam edir:
"Tarixlər razılaşdırılacaq".
Bundan əvvəl media Putinin Türkiyəyə səfərinin fevralın 12-də baş tuta biləcəyini yazıb. Eyni zamanda, Kreml səfərin tarixlərinin vaxtında açıqlanacağını qeyd edərək, bu tarixi təsdiq etməyib.
Ankaradakı diplomatik mənbə isə RİA Novosti-yə bildirib ki, Rusiya prezidenti Vladimir Putinin Türkiyəyə fevral ayına planlaşdırılan səfəri ilkin olaraq aprelin sonu - mayın əvvəlinə təxirə salınıb.
“İki ölkədə seçki dövrü ilə əlaqədar olaraq, bildiyiniz kimi, Türkiyədə bələdiyyə seçkiləri, Rusiyada isə prezident seçkiləri keçiriləcək, səfərin müvəqqəti olaraq aprelin sonu - mayın əvvəlinə təxirə salınması qərara alınıb”, agentliyin həmsöhbəti bildirib.