Türkiyə Super Liqasının oyunlarını qanunsuz saytlardan izləyən futbolsevər fırıldaqçıların qurbanına çevrilib.

Məlumata görə, Türkiyənin Adana şəhərində yaşayan 51 yaşlı usta Yalçın Güven Türkiyə Super Liqasının oyunlarını pul vermədən izləmək üçün qanunsuz saytlardan istifadə etməyə çalışıb.

Yalçın Güvenin bu hərəkəti ona baha başa gəlib. Belə ki, 51 yaşlı şəxsin kredit kartından 250 min Türkiyə lirəsi dəyərində pul çəkilib.

Qeyd edək ki, zərərçəkmiş şəxs polisə şikayət etsə də, heç bir köməklik almadığını bildirib.

Mənbə: Sporx.com