Türkiyədə Nazirlər Kabineti həbsxanalarla bağlı yeni bir qanun qəbul edib.

Belə ki, 9 yanvar 2017-ci il tarixindən etibarən Türkiyədə həbsxanalara kənardan kitab gətirmək qadağan olunub. Qanunun əlavəsində isə bildirilib ki, "Quran" oxumaq istəyən məhbuslar istisna sayılacaq və onlara müvafiq icazə veriləcək.

Qeyd edək ki, bu haqda erməni əsilli türkiyəli yazıçı Sevan Nişanyan öz sosial şəbəkə hesabında məlumat yayıb. Artıq 3 ildir ki, məhbus həyatı yaşayan Nişanyan "qanunlara qarşı çıxmaq" ittihamı ilə 17 illik həbs cəzasına məruz qalıb. Buna baxmayaraq, o, vəkili vasitəsilə yazıçılıq və blogerlik fəaliyyətini davam etdirir.