Türkiyəli tarixçi, yazar İlbər Ortaylı professor Yavuz Örnəyin Nuh peyğəmbərin oğlu ilə telefonda danışması iddialarına münasibət bildirib.
Muxalifet.az xəbər verir ki, Ortaylı professora digər bir işlə məşğul olmasını məsləhət görüb.
“Bir alim hər şeydən öncə qəbul edilmiş əsas anlayışları, terminologiyanı bilməlidir. Digər işlə məşğul olsun. Bu, olduqca kobuddur. Belə məsələni milyonların qarşısında danışmaq isə ağlasığmazdır
Demək ki, ağlı çatmır bu işə... Orada möcüzədən danışarsan. Vəssalam... Möcüzəni fizika, kimya, yaxud riyyaziyyatla əlaqələndirmək ağılsızlıqdır”, - tarixçi bildirib.
Qeyd edək ki, Türkiyənin TRT televiziyasında yayımlanan “Digər gündəm” proqramına qonaq olan professor Yavuz Örnək Nuh peyğəmbərin gəmiyə minməyən oğlunu razı salmaq üçün mobil telefonla danışdığını iddia edib.