Afrinin şəhər mərkəzi ilə şimal və qərbdəki kəndlər arasındakı əlaqə xəttinin bu gün kəsiləcəyi gözlənilir.

Axar.az xəbər verir ki, bununla da Mabatlı bölgəsi və digər yerlərdəki YPG terrorçuları küncə sıxışdırılacaq, heç bir yerə qaçmaq şansları qalmayacaq.

Afrinin mühasirəyə alınması ilə şimal və qərb cəbhələrində irəliləyiş davam edib. Son alınan kəndlərlə birlikdə Mabatlı bölgəsi ilə şəhər mərkəzi arasındakı əlaqə kəsilmək üzərədir. Bu gün terrorçuların Afrinlə əlaqəsinin tamamilə kəsilməsi gözlənilir. Beləliklə, Cinderesdən Bülbülə qədər olan xətdə yer alan kəndlərdəki terrorçuların da ərazidən qaçış imkanları sıfra endirilmiş olacaq.

***

Türkiyə Silahlı Qüvvələri və ASO Afrin istiqamətində daha 4 kəndi azad edib.

Bu barədə TSQ-dan informasiya yayılıb.

Məlumata görə, sonuncu azad edilən kəndlərlə birlikdə Afrinlə Mabatlı bölgəsi arasındakı əsas nəqliyyat yolu kəsilib.

Qeyd edək ki, ASO-nun Afrinin mərkəzi hissəsinin girişinə çatdığı bildirilib.