Rəsmi Tehran Makrona “yox” dedi: “İranın suveren ölkə olduğunu fransızlar unutmasınlar"

12-12-2019, 00:27           
Rəsmi Tehran Makrona “yox” dedi: “İranın suveren ölkə olduğunu fransızlar unutmasınlar"
“İran hökuməti saxladıqları Fransa vətəndaşlarını azad etmək niyyətində deyil”.

“RİA Novosti” xəbər verir ki, İranın Xarici İşlər Nazirliyinin sözçüsü Abbas Musəvi Fransa prezidenti Emanuel Makronun ötən gün səsləndirdiyi bu tələbin qəbuledilməz olduğunu bildirib.

“İranın suveren ölkə olduğunu fransızlar unutmasınlar. Nə hökumətimiz, nə də məhkəmələrimiz kimdənsə məsləhət almır. Daxili işlərimizə müdaxilələr bizim üçün yolverilməz sayılır”, – A.Musəvi deyib.

Xatırladaq ki, “Science Po” Siyasi Araşdırmalar İnstitutunun əməkdaşları – Fransa vətəndaşı Roland Marşal və Fransa və İran vətəndaşı Fəribə Adilxah ölkənin milli təhlükəsizliyinə xələl gətirməkdə ittiham edilərək müvafiq olaraq bu ilin iyul və oktyabr aylarında həbs edilmişdilər. Bunu “yolverilməz vəziyyət” kimi dəyərləndirən Fransa Xarici İşlər Nazirliyi qarşı tərəfi dəfələrlə həmin şəxsləri azad etməyə çağırıb/Report.шаблоны для dle 11.2












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.
Sayt Webmedia.az tərəfindən hazırlanmışdır.