Eastnews.org-un verdiyi xəbərə görə, Livan Silahlı Qüvvələri iki gün əvvəl paytaxt Beyrut şəhərində baş verən partlayış ilə bağlı bəyanatla çıxış edib.

Bəyanatda partlayış zamanı həlak olanların ailələrinə başsağlığı verilib, yaralılara tezliklə sağalmaları arzulanıb.

Bundan əlavə vurğulanıb ki, yardım işlərini daha rahat həyata keçirmək üçün bölgədəki mülki şəxslər evlərinə getməlidirlər.

"Ölkə və xarici media orqanları şəhərimizi dronlar vasitəsilə lentə alırlar. Bu yolverilməz haldır. Çünki bəzi hallarda strateji obyektlərimiz da çəkilir və yayımlanır", - deyə bəyanatda qeyd olunub.