Məşhur boksçu metroda ölümcül vəziyyətdə tapıldı

15-05-2015, 01:05           
Məşhur boksçu metroda ölümcül vəziyyətdə tapıldı
Rusiyalı boksçu Denis Boytsov başından ağır zədə alaraq xəstəxanaya yerləşdirilib.

ANS PRESS-in məlumatına görə, boksçunu ağır vəziyyətdə Berlin metrosunun tunelindən tapıblar.

29 yaşlı idmançı beynindən ciddi zədə aldığına görə həkimlər onu süni komaya salmaq məcburiyyətində qalıblar.

Boksçunun belə duruma necə düşməsi ilə bağlı konkret versiya yoxdu. Ancaq ilkin ehtimallara görə, Denis sərxoş vəziyyətdə olub.

Almaniyanın Hamburq şəhərində yaşayan boksçunun promouteri Kalle Zauerland hadisəni belə şərh edib: "Bədbəxt hadisənin necə baş verdiyini bilmirik. Buna görə də, heç bir şərh verməyəcəm. Biz indi Denis üçün dua etməliyik. Ümid edirəm ki, o sağalacaq".

Boytsov peşəkar rinqdə 37 görüş keçirib, 36 qələbə (27-ci nokautla) qazanıb.












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.