Ölkədaxili uçuşlara bilet alan zaman COVID-19 testi ödənişlidir? – AZAL-dan AÇIQLAMA
7-07-2020, 15:39
Ölkədaxili uçuşlara bilet alan zaman COVID-19 testi ödənişlidir? Azərbaycan Respublikasinin Nazirlər Kabinetinin “Koronavirus (COVID-19) pandemiyası dövründə Azərbaycan Respublikasında uçuşların və hava nəqliyyatı ilə sərnişin daşımalarının təşkili üzrə müvəqqəti Qaydalar”ın təsdiq edilməsi barədə 11 iyun tarixli qərarına əsasən ölkədaxili uçuşlarda Azərbaycan Respublikasının vətəndaşları üçün COVID-19 testi ödənişsiz əsaslarla aparılır. Bunu AZAL-ın mətbuat katibi Paşa Kəsəmənski Yeniavaz.com-a təsdiqləyib. O bildirib ki, Azərbaycan Respublikasının vətəndaşları ölkədaxili uçuşlara bilet alan zaman onlara COVID-19 testinin götürüləcəyi klinikaya randevu təyin edilir: “TƏBİB-in özü müəyyənləşdirir sərnişin saat neçədə, hansı klinikaya getsin. Bu zaman test pulsuzdur”. Qeyd edək ki, bu xidmət xarici vətəndaşlar və xaricə səfər edən AZərbaycan Respublikası vətəndaşları üçün ödənişlidir.