Qaxda "uğursuz ailə"yə biganə münasibət... - "...bizi kor peşiman yola saldılar"

17-06-2019, 10:09           
Qaxda "uğursuz ailə"yə biganə münasibət... - "...bizi kor peşiman yola saldılar"
Qax rayonu, Tanqıt kənd sakini Əsgərov israyıl Abdulla oğlu tərəfindən DİA.AZ-a şikayət ərizəsi ünvanlanıb.Narazı vətəndaş yazır:

"Qeyd edim ki, Qax rayonun Tanqıt kəndində yaşayan bizim Əsgərovlar ailəsini kəndimizdə hamı bədbəxt və uğursuz bir ailə hesab edirlər.

Özüm hərbi xidmətdə döyüş bölgəsində xidməti vəzifəmi yerinə yetirərkən övrə xəstəliyinə tutulmuşam. Anam onkoloji xəstəlikdən əziyyət çəkir. Bircə övladım olan 2 yaşlı oğlum da qıcolma xəstəliyindən əziyyət çəkir. Atam abdulla əsgərov da ailəmizin başına gəlmiş bu xəstəliklərdən qismən azad olmaq üçün bütün malik olduğu varını-yoxunu satıb xəstəxana və iynə-dərmana sərf etmişdir. Hazırda nə mal-qaramız, nə torpağımız, nə də evdə qara gün üçün saxladığımız qızıl-ziynət əşyaları qalmışdır. Bir sözlə ailəmiz kasıblıq həddindən də aşağı səviyyəyə düşmüş vəziyyətdədir.

Belə bir ağır iqtisadi və sağlamlıq vəziyyətimizin nisbətən həll edilməsi üçün Birinci Vitse-prezident çoxhörmətli mehriban xanıma bu ilin 18 fevralında müraciət etmişdik. Müraciətimizdə qeyd edilənlər həll edilməsi üçün Qax rayon İcra Hakimiyyətinə və Qax məşğulluq Mərkəzinə göndərilmişdir. Qax İH-də ailəmizə heç bir yardım göstərmək imkanınım olmamasını qeyd edib bizi kor peşiman yola saldılar. Bir neçə gündən sonra isə Qax Məşğulluq İdarəsi məni dəvət etdi. Formal söhbətdən sonra qeyd etdilər ki, biz səni fəhlə işinə götürə bilmərik. Səndə kəskin allergiyalı xəstəlik olduğuna görə təklif etdiyimiz işdə işləyə bilməzssən. Guya başqa uyğun bir iş tapılmırmış. Nə isə. Bir sözlə, Qax rayonun dövlət idarələrinin nə qədər formal struktur olması göz önündədir. Mən həm də təəssüf edirəm ki, ölkənin birinci xanımının adından daxil olan müraciətimizə belə etinasız yanaşırlar. Çox təəssüf. Ona görə də Çoxhörmətli Prezidentdən bir daha xahiş etmək istəyirəm ki, ailəmizin düşdüyü iqtisadi böhrandan nisbətən qurtarmaq üçün ailə üzvlərimizin müalicə olunması məsələsi aidiyyatı qurumlara tapşırmağınızı və heç olmasa quşçuluq təsərrüfatıilə kiçik biznes qurmağım üçün Qax DMX-da məni də özünəməşğulluq proqramına cəlb edilməyimə köməklik göstərəsiniz. Əvvəlcədən təşəkkürlər".

İddia olunanlarla bağlı bütün tərəfləri dinləməyə hazırıq...шаблоны для dle 11.2













Teref.info © 2015
E-mail: n_alp@mail.ru            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.
Sayt Webmedia.az tərəfindən hazırlanmışdır.