AZAL niyə dövlətə mənfəət gəlir vermir? - AZAL şefi Cahangir Əskərovun Azərbaycanda və xaricdə çoxmilyonluq mülkləri aşkar olundu - FOTOFAKTLAR

7-08-2020, 00:14           
AZAL niyə dövlətə mənfəət gəlir vermir? - AZAL şefi Cahangir Əskərovun Azərbaycanda və xaricdə çoxmilyonluq mülkləri aşkar olundu - FOTOFAKTLAR
Teref.az yazır ki, bu gün keçirilən müşavirədə dövlət başçısı AZAL-ın fəaliyyətindən narazılığını bildirib.
Prezident İlham Əliyev deyib:
«AZAL-ın bütün təyyarələri dövlət tərəfindən alınıbdır. Bütün aeroportlar dövlət tərəfindən tikilibdir. Bəs, bunun dövlətə verdiyi mənfəət, gəlir nədir? Bu təyyarələr alınır, onlar istismar edilir. Bəs, bunun gəliri haradadır? Bu, nə vaxt ödəniləcək, götürdüyü kreditləri gərək dövlət zəmanəti hesabına sonra biz ödəyək? "
Bəli dövlət başçısı haqlı iradlar bildirir, çünki əldə etdiyimiz məlumatlara görə AZAL şefi Cahangir Əskərovun xaricdə hələlik ancaq bizə məlum olan sərvətinin qiyməti on milyonlarla ölçülür və AZAL şefinin maaşı ilə bütün bu sərvəti qazanması mümkün deyil. Məntiq isə deyir ki........
Beləliklə mövzunun aktuallığını nəzərə alaraq 2020-07-12-də dərc etdiyimiz araşdırmanı bir daha diqqətinizə çatdırırıq:
Teref.az yazır ki, müstəqil jurnalist Cavanşir Həsənli yeni araşdırması ilə sosial şəbəkədə çıxış edib. Cavanşir Həsənli yazır:
Gürcüstanın Batumi şəhərindəki "Grand Gloria" (Böyük Qələbə) otelinin Cahangir Əsgərovun ailəsinə məxsus olduğu heç kimə sirr deyil. Amma bu faktı sənədlərlə bir daha diqqətə çatdırmaq istəyirəm. Gürcüstan Ədliyyə Nazirliyindən əldə olunmuş reyestr çıxarışına görə 31 milyon dollar investisiya dəyəri olan "GRAND GLORİA" oteli 2010-cu fevralın 16-da Tiflisin Krtsanisi rayonu, Gorgasali küçəsi 3 hüquqi ünvanında qeydiyyatdan keçmiş GLORİA LLC-nin mülkiyyətindədir. Qeydiyyat sənədlərinə (404379338 saylı lisenziya) görə nizamnamə kapitalı 3.393.000 lari olan şirkətin 50,76 faizi AZAL prezidentinin arvadı Zərifə Həmzəyevaya, 24,62 faizi qızı Cəmilə Əsgərovaya, qalan 24,62 faizi isə digər qızı Məlahət Əsgərovaya aiddir.
Daha sonra Cavanşir Həsənli yazır ki, "Grand Gloria"-nın idarəçiliyi Türkiyə vətəndaşı MURAT TANSU-ya həvalə olunub. 168 otaqlı otelin 100-dən artıq personalı var. Gürcüstan hökumətinin ilk başdan Əsgərovlar ailəsi qarşısında qoyduğu şərtə görə, otelin tikintisi (200 nəfər işçi çalışıb) və idarəçiliyində işçilərin 90 faizi Gürcistan vətəndaşları olmalıdır.
GLORİA LLC-nin saytında - http://gloria.ge/en/home - yer alan məlumatlara görə paytaxt Tiflisdəki "TİFLİS PALACE" oteli də AZAL şefinin ailəsinə məxsusdur. Zərifə Həmzəyeva (özünün Zaya adlandırılmasını xoşlayır) və qızları həmçinin Tiflisin Vakhtang Gorgasali küçəsi 3-də yerləşən "TİFLİS VERANDA" restoranının sahibidirlər.
Batumidə, Konstantin Qamsaxurdia küçəsi 8-də, Acarıstan Konstitusiya Məhkəməsi binasının arxasında yerləşən GOLDEN PALACE BATUMİ HOTEL və eyni adlı kazino da AZAL şefinin ailəsinə məxsusdur. Otel əvvəlcə Zərifə Həmzəyevanın mülkiyyətində olub, sonradan GLORİA LLC--nin idarəçiliyinə keçirilib.
Cahangir Əsgərovun qızlarının Londonda da şirkətləri var və təkcə GAZELLI ART HOUSE LIMITED-in aktivlərinin həcmi 31.495.464 funt sterlinq və ya 41 milyon dollardır (1 oktyabr 2018-ci il məlumatı).
Dünyanın ən bahalı aviaşirkətlərindən olan AZAL 2018-ci ili 208 milyon manat "zərərlə" başa vurub, hər il dövlət büdcəsindən bu şirkətə külli-miqdarda dotasiya ayrılır.
Cahangir Əsgərov bu gün “Şərəf” ordeni ilə təltif olunub.
Teref.az yazır ki, jurnalist Hafiz Babalıda Cahangir Əskərovun mülkləri barədə araşdırma aparıb və onun yeni bir mülkünü aşkar edib. Hafiz Babalı yazır:

Naftalanda "Garabag Resort and Spa" otel.
"Hafiz Babalı
· 4
Ordenli Cahangir Əsgərova bir hədiyyə də məndən olsun.
Bura Naftalandır. Ordadakı onun ailsinə məxsus "Garabag Resort and Spa" 5-ulduzlu otel və müalicə mərkəzidir. Sağ tərəfdəki yaşıl dairə vertolyot meydançası, soldakı bir neçə hektar sahədə tikilən villa və hovuz Əsgərov-Həmzəyeva cütlüyünün şəxsi mülküdür."
Teref.az























Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.