“"icaze.e-gov.az” portalı vasitəsilə icazənin alınması üçün sui-istifadə halları daim araşdırılacaq, belə hallara yol verən hüquqi və fiziki şəxslər barəsində ciddi məsuliyyət tədbirləri görüləcəkdir”.Yeniavaz.com xəbər verir ki, bu məlumat tam məhdudlaşdırılma günlərində fəaliyyət göstərmək məqsədilə icazə almaq üçün yenidən aktivləşdirilmiş portal (https://icaze.e-gov.az/Login)da qeyd olunub.

Məlumat belədir:

“Diqqət! Portalda əməkdaşlarınızı qeydiyyatdan keçirmədən öncə Nazirlər Kabinetinin aidiyyəti qərarlarının təşkilatınıza şamil edilib-edilmədiyini dəqiqləşdirin. "icaze.e-gov.az” portalı vasitəsilə icazənin alınması üçün sui-istifadə halları daim araşdırılacaq, belə hallara yol verən hüquqi və fiziki şəxslər barəsində ciddi məsuliyyət tədbirləri görüləcəkdir”.

Qeyd edək ki, Nazirlər Kabinetinin Bakı, Sumqayıt, Gəncə, Lənkəran şəhərlərinin və Abşeron rayonunun ərazisində xüsusi karantin rejiminin sərtləşdirilməsi ilə bağlı əlavə tədbirlər barədə müvafiq Qərarına əsasən icaze.e-gov.az portalının faaliyyəti yenidən aktivləşdirilib.