Çerkizov bazarının keçmiş sahibi Telman İsmayılov tərəfdaşlarının “qanuni oğru” Rövşən Canıyevin (Lənkəranski) qətlində iştirakı barədə mətbuatda yazılanları təkzib edib.

Teleqraf.com xəbər verir ki, İsmayılovun vəkili Marina Rusakova “TASS” agentliyinə açıqlamasında bildirib ki, İsmayılov barəsində yayılanlar həqiqətdən uzaqdır.

Qeyd edək ki, R.Lənkəranski 2016-cı ilin yazında İstanbulda qətlə yetirilib. Lənkəranskinin adı Ded Hasan ləqəbli Aslan Usoyanın ölümündə hallanıb.

Mətbuatda yazılanlara görə, T.İsmayılov R.Lənkəranskinin qətlini “Lotu Quli”yə sifariş verib.

T.İsmayılovun özü 2017-ci ilin noyabrında Moskvanın Basman məhkəməsi tərəfindən şərti həbs olunub. O, 2016-cı ildə iş adamları Vladimir Savkin və Yuri Brilevin ölümündə günahkar bilinir.