"Oyuncaqlar sertifikatlaşdırılmış olmalıdır, uşaq mağazalarından alınmalı və mütləq yaxşı keyfiyyətli olmalıdır".

Bunu terapevt Nadejda Çernışova MK internet portalına müsahibəsində uşaqlar üçün təhlükəsiz oyuncaqların seçilməsi barədə danışarkən deyib.

Onun sözlərinə görə, uşağa yalnız yoxlanılmış və təhlükəsiz əşyalar vermək çox vacibdir:

"İstər oyuncaqlar, istərsə də məişət əşyaları olsun, onlar yüksəkkeyfiyyətli plastikdən və ya rezindən, ya da uşağa zərər verməyəcək, yoxlanılmış maddələrdən hazırlanmalıdır. Şübhəli oyuncaqlar parlaq və cəlbedici olsa belə, onları almamaq daha yaxşıdır".

Terapevt əlavə edib ki, oyuncaqların kiçik və ya böyük olması fərq etməz, əsas odur ki, onlar uşağa təhlükə törətməsin.