Rusiyalı həkimlər gərgin tədqiqatlar nəticəsində Hepatit B xəstəliyinin dərmanın tapdıqları iddiası ilə çıxış edib.



Moderator.az Rusiya mediasına istinadən xəbər verir ki, bəyanat müəllifi Anna Popova iki il ərzində həyata keçridikləri çalışmalar nəticəsində Epidemiologiya İnstitutunun alimlərinin xroniki Hepatit B-ni müalicə edəcək dərman yaratdıqlaırnı bildirib. A.Popova qeyd edib ki, Hepatit B xəstəliyindən əziyyət çəkən adamlar çox olduğu üçün bu xəstəliyin müalicəsi problemi olduqca kəskindir.



A.Popova bununla Rusiyanın yoluxucu xəstəliklərin qarşısının alınmasında əhəmiyyətli uğur qazandığını bildirib. O, bildirib ki, Rusiya kəskin Hepatit B xəstəliyindən əziyyət çəkən ölkələr arasında aşağı göstəriciyə görə lider dövlətlər sırasındadır.



Məlumat üçün qeyd edək ki, Hepatit B xəstəliyinin müalicəsi ilə bağl bu günə qədər bir sıra dərmanlar sınaqdan keçirilsə də, onların heç biri bu xəstəlikdən tam müalicəni təmin etməyib.