“Orada həşəratlar yox, bir dənə tarakan olub. O tarakanı mənim obyektimin içərisində axtaran oğlanı heç restoranımda da görmək istəmirəm”.

Bunu “50 Qəpik” restoranlar şəbəkəsindən restoranda antisanitar vəziyyətin olduğuna dair iddialara cavab olaraq özünü restoranın rəhbəri kimi təqdim edən şəxs bildirib.

O qeyd edib ki, heç bir müştəri ona bununla bağlı müraciət etməyib:

“Bununla bağlı mənə heç kim müraciət etməyib. İkincisi, həşəratdır, hər yerdə var. Neyləyək, bütün günü düşək o həşəratın arxasınca?! Mənim obyektlərim hər bir antisanitariya qaydalarına görə yoxlanılır.

Hər həftə restoranda yoxlamalar aparılır. Həşərat ya kanalizasiyadan, ya başqa bir yerdən qalxa bilər. İndi olub da, olanda olur”.

Bakının məhşur restoranlarından birində həşəratlar “at oynadır”.


Qeyd edək ki, sosial şəbəkədə
“Xətai” metrostansiyasının yaxınlığında yerləşən “50 Qəpik” adlanan restorandan video paylaşılıb.

Paylaşım edən şəxs iddia edir ki, nahar etmək üçün “50 Qəpik” restoranına gediblər. Sifariş verərəkən isə yeməklərin yanında tarakanları görüblər. Bu səbəbdən restoranda nahar etməkdən imtina edərək, oranı tərk ediblər.Oxu.az