Sinqapurda yeni növ koronavirus infeksiyasını (COVID-19) bir dəqiqədə aşkar edə bilən nəfəs testinin istifadəsi təsdiqlənib. “TracieX” adlanan bu cihazlardan artıq yoluxucu xəstəliklər mərkəzində və “Çangi” hava limanında istifadə edilir.

Aztibb.az www.medimagazin.com.tr-yə istinadən xəbər verir ki, nəfəs testinin biri Dubayda, ikisi Sinqapurda üç dəfə sınaqdan keçirilib. 180 xəstə üzərində aparılan təcrübədə testin dəqiqlik nisbətinin yüzdə 93 olduğu aşkarlanıb.

Sinqapur Milli Universitetindən verilən açıqlamada "Breathonix" şirkəti tərəfindən hazırlanan nəfəs testinin ada ölkəsində təsdiqlənmiş ilk analiz sistemi olduğu deyilir.