Hindistanlı dietoloq Pudja Mahica şəkərli qidaları sevənlərə orqanizmə zərər vurmamaq üçün şəkər əvəzedicisindən istifadə etməyi məsləhət görüb.

Cebhe.info xəbər verir ki, bu barədə “NDTV” məlumat yayıb.

Həkim Mahica bildirib ki, şəkərli qidaları azkalorili alternativlərlə əvəzləmək lazımdır:

"Bunu etmək heç də şirniyyatdan tamamilə imtina etmək deyil", - deyə dietoloq vurğulayıb.

Həkim Cənubi və Mərkəzi Amerikada eyni adlı bitkinin yarpaqlarından hazırlanan təbii bir dadlandırıcı olan steviyadan istifadə etməyi məsləhət görüb:



"Steviya şəkərdən 200 qat daha şirindir, lakin kalorili deyil, karbohidrat ehtiva etmir və qan qlükozasına təsir etmir. Bununla birlikdə steviya antibakterial xüsusiyyətlərə malikdir və diş sağlamlığı üçün faydalıdır", -deyə Mahica əlavə edib.

Həkim bildirib ki, şəkərli qida yemək istəyi bədəndəki protein çatışmazlığından yaranır.

"Buna görə də zülallı qidalar gündəlik qidalanmadan əskik olmamalıdır", - deyə Mahica sözünü yekunlaşdırıb.