Dünyanın ən böyük narkotik kartellərindən birinin qurucusu olan Rafael Karo-Kintero ələ keçirilib.
Bakupost.az xarici mətbuata istinadən bildirir ki, o, Meksikada təşkil edilən xüsusi əməliyyat nəticəsində saxlanılıb. Onu meşəlik ərazidə “Max” adlı xüsusi polis iti aşkar edib.
Xatırladaq ki, Karo-Kintero 1985-ci ildə amerikalı gizli agent Enrike 'Kiki' Kamarenanı işgəncə ilə öldürməkdə ittiham edilib. O, həm Meksikanın, həm də ABŞ-ın “ən çox axtarılanlar” siyahısının ilk 10-luğunda yer alıb. Federal Təhqiqat Bürosu (FTB) ona “Godfather” ləqəbini qoyub. FTB kartel liderinin ələ keçirilməsi üçün tarixindəki ən yüksək rəqəmlərdən birini elan edib – Karo-Kinteronun başına 20 milyon dollar mükafat qoyulub.
Məşhur “Narcos: Meksika və narkotika müharibələri: Kamarena hekayəsi” serialı onun haqqındadır. Narkotik şəbəkələrlə bağlı bir çox filmdə də Karo-Kinteronun həyatından izlər daşıyan obrazlara rast gəlmək olur.