44 günlük müharibədə məhv edilmiş erməni hərbi qulluqçulardan biri də Harutyun Harutyunyan olub. Ordu.az xəbər verir ki, Harutyunyanlar ailəsi Azərbaycan Respublikasının Xocavənd rayonunun Edilli kəndindəndir.

Harutyun Harutyunyan 15 oktyabr 2020-ci ildə məhv edilib.

Harutyunyan itkin düşdüyü üçün səkkiz ay axtarışda olub, onun haqqında heç bir məlumat olmayıb, amma sonda qalıqları tapılıb.

Erməni hərbi qulluqçunu qardaşı Hovik tanıyıb.

“Qardaşımı dişindən və qolundakı köhnə sınıq izindən tanıdım. Çox adam deyirdi ki, o olmaya bilər, amma bilirdim ki, son zamanlarda dişinin biri qırılıb və ona baxanda qardaşım olduğunu başa düşdüm”, - deyə erməni hərbi qulluqçunun qardaşı qeyd edib.

“Beş nəfər olublar, amma nə beş nəfərdən biri sağ çıxıb, nə də yaralıya kömək edə biliblər. Deyirlər PUA gözlənilməz zərbə vurub”, - deyə erməni hərbi qulluqçunun anası Vera Harutyunyan bildirib.