Tədqiqatçılar nəhayət ki, Yeni Zelandiya sahillərində sirli üçbucaq işarələrini kimin su altında qoyduğunu müəyyən ediblər.

Sirli “at dırnağı izləri” ilk dəfə 2013-cü ildə aşkar edilmişdi və o vaxtdan bəri elm adamları bunun nəyə aid olduğunu anlamağa çalışırlar. 10 ildən sonra tədqiqatçılar nəhayət aydın izahat əldə etdilər.

At dırnağına bənzəyən izlər yerli Milli Su və Atmosfer Tədqiqatları İnstitutunun alimləri tərəfindən Yeni Zelandiya sahillərində sualtı silsilənin tədqiqi zamanı aşkar edilib.

Yeni tədqiqatın müəllifləri hesab edirlər ki, təxminən 450 metr dərinlikdəki üçbucaqlı izlər “Coelorinchus” kimi tanınan dərin dəniz balığının sivri burunlarına görə yaranıb - balıqlar bu yerlərdə lili çeynəyib onun tərkibindən ovu əmirlər.

Coelorinchus həddindən artıq dərinliklərdə yem axtarır, buna görə də bu kimi izlər son dərəcə nadirdir. Əslində, elm adamları bu günə qədər növün təbii qidalanma davranışı ilə bağlı müşahidələri sənədləşdirə bilməyiblər.


Komanda qeyd edir ki, izlər əslində, bu sirli dərin dəniz balıqlarının qidalanma vərdişlərinin yeganə sübutudur.

Gələcəkdə, tədqiqat müəllifləri bu çətin dərin dəniz balıqlarının kritik yaşayış yerlərini və qidalanma sahələrini müəyyən etmək üçün bu izlərdən istifadəyə ümid edirlər.

Mənbə: Fokus.ua