teref.az - Təhsilimizin yaxın keçmişini bugünümüzün konteksində təhlil edərkən, inkişafla bağlı dövrləri mərhələlər üzrə birləşdirmək daha məqəsədəmüvafiq olar. Müstəqilliyimizin ilk illərində, təhsil sahəsində müxtəlif çətinliklər və problemlər yaşanırdı. Bu problemlər ˗ məktəblərlə bağlı infrastrukturların təzlənməsi, dərsliklərin və təhsil proqramlarının dövrün inkişaf tempinin tələblərinə uyğun tərtib edilməsi və s. də təzahür edirdi. Ulu öndərin hakimiyyəti dövründən başlayaraqölkənin gələcək müstəqilliyi və möhkəmlənməsi üçün strateji əhəmiyyət kəsb edən belə ciddi məsələlərin etaplı həlllinə yönəlik tədbirlər ardıcıl həyata keçirilməyə başladı.
Təhsilin inkişafı ilə bağlı ikinci ˗ müasir mərhələnin başlanğıcını isə Ulu öndərin siyasi davamçısı cənab Prezident İlham Əliyevin hakimiyyəti dövürlərindən sərhədləmək olar. Məhz həmin dövrdən başlayaraq, xüsusi qayğı nəticəsində Azərbaycan təhsilində forma və məzmunca yeni inkişaf səviyyəsi müşahidə olunmağa baışladı.Onun“Bütün işlər məhz məktəbdən başlayır, təhsilə diqqət, müəllimə qayğı həmişə olmalıdır. Bütün dövlət orqanları bu tövsiyələri eşitməli və praktik həyatda bunu təmin etməlidir” fikrində qeyd olunanlar mahiyyətcə öz təsdiqinə qovuşur. Dövlət başçısının 24 oktyabr 2013-cü il tarixli müvafiq sərəncamı ilə təsdiq olunmuş “Azərbaycan Respublikasında təhsilin inkişafı üzrə Dövlət Strategiyası”belə mühüm məslənin həlli üçün dövlətin maraqlarını və məramını tam əks etdirdi.
Ölkəmizdə son illərdə təhsilin inkişafı ilə bağlı həyata keçirilən silsilə tədbirlər deməyə əsas verir ki, Azərbaycan öz gələcəyini və qüdrətli inkişafını təhsillə bağlayır. 2011-2021-ci illərdə Azərbaycanda təhsilin inkişafı üzrə Milli Strategiyanın hazırlanması, təhsilin dövlətin başlıca strateji hədəfi anlamını daha da kəskinləşdirir.
Ölkəmizdə olduğu kimi, İsmayıllı rayonunda da son illər təhsilin inkişafına olan qayğı, tələbkarlıq öz müsbət nəticəsini vermişdir. Cənab Prezidentin Sərəncamı ilə təsdiq olunmuş “Azərbaycan Respublikası regionlarının sosial-iqtisadi inkişafı” Dövlət Proqramına uyğun olaraq yeni məktəb binaları tikilməsi və bəzilərinin əsaslı təmir olunması rayonun təhsillə bağlı göstəricilərinə müsbət təsirlər etmişdir. Belə ki, bu təsirləri istər ali məktəblər üzrə qəbullar zamanı 600 – 700 bal toplayan abuturiyentlərin sayında, istərsə də yerli və beynəlxalq olimpiyadalardaqazanılan medallarda görmək mümkündür. Konkret statistik göstəricilərlə xarakterizə etsək ˗ 2016/2017-ci tədris ilində rayonda777 nəfər məzun attestat alıb, 346 nəfəri müxtəlif ali məktəblərə qəbul olunub. Onlardan 25 nəfəri 600-dən yuxarı, bir nəfəri 700, 86 nəfəri 500-dən yuxarı bal toplayıb. Həmçinin məzunlardan 4 nəfəri yüksək bal toplamaqla 3 qızıl, bir gümüş medal qazanıb. Artıq 700 bal toplamaq rayonun məzunları üçün xarakterik hala çevrilib.Cari ilin göstəricilərinə görə, Lahıc qəsəbə tam orta məktəbinin məzunu Vahab Cəbrayılov 700 bal toplamaqla şərəfli tələbə adına layiq görülüb.
Hazırda, İsmayıllı rayonunun ümumtəhsil müəssisələrində yeni dərs ilinə hazırlıq işləri mütəşəkkil qaydada başa çatmaq üzrədir. Yeni dərs ili ərəfəsində təhsil şöbəsinin tabeliyində olan məktəb və məktəbdənkənar müəssisələrin əksəriyyətində büdcə vəsaiti və daxili imkanlar hesabına cari təmir işləri aparılmışdır. Bundan əlavə, Şəhər 1 nömrəli, İvanovka, Mollaisaqlı , Qoşakənd və Basqal qəsəbə tam orta məktəblərində cari təmir işləri aparılır. Həmçinin Topçu kənd tam orta məktəbinin idman zalı və bir sinif otağı şagirdlərin istifadəsinəyeni dərs ilində veriləcəkdir.
Hazırda dövlət vəsaiti hesabına rayonun Tağlabiyan kəndində yeni modul tipli məktəb binasının tikintisi davam etdirilir.Zərgəran kəndində yenidən ibtidai məktəb binası açmaq üçün təmir olunur.Qısaca fikrimi yekunlaşdırmaq üçün deyərdim ki, İsmayıllı təhsili ənənələrə sadiq qalaraq inkişafını, yüksəlişini davam etdirir.

Gülnarə Mirzəliyeva
İsmayıllı rayon İcra Hakimiyyətinin
İctimai-siyasi və humanitar məsələlər şöbəsinin baş məsləhətçisi