"Baş nazir Keir Starmerin rəhbərlik etdiyi indiki Leyboristlər Partiyası hökumətinin sayılı günləri qalıb".
Bizimyol.info xəbər verir ki, bu fikri "Times Radio"sunun efirində 2024-cü ildə müstəqil olmuş keçmiş Leyboristlər Partiyasından olan deputat Rozi Daffild deyib.

"Qorxuram ki, bu hakimiyyətin günləri bitib. Eyni beş nəfərin hansı vəzifəni tutması həqiqətən kiçik bir fərqdir. Nəticədə bir nazir istefa verdi, ikisi vəzifədən azad edildi, onlarla nazir vəzifəsi hazırkı kabinet üzvləri arasında yenidən bölüşdürüldü", - deyib.

Daffild baş nazirin bu hərəkətlərini ““Titanik”in göyərtəsindəki stulların yenidən qurulması” adlandırıb.

Daffild bildirib ki, o, hakim partiyanın bir çox deputatı ilə əlaqə saxlamağa davam edir, lakin onlardan fərqli olaraq, Leyboristlər Partiyasının üzvü olmadığı üçün ortaq fikir bildirə bilir.

Hökumətdəki dəyişikliklərə təkan İngiltərənin cənubunda mənzil alarkən möhür rüsumunun ödənilməməsi ilə bağlı qalmaqal fonunda Böyük Britaniyanın baş nazirinin müavini və mənzil-tikinti naziri Ancela Raynerin istefası olub.

Starmerin sentyabrın 6-da bir sıra nazirlik rəhbərlərinin müavinlərinə yeni təyinatları açıqlayacağı gözlənilir. Dəyişiklik Böyük Britaniya hökumətinin təsdiq reytinqinin Leyboristlər Partiyasının hakimiyyətə gəlişindən bəri ən aşağı səviyyəyə enməsi fonunda baş verib.

"YouGov"un apardığı sosioloji araşdırmaya görə, respondentlərin 70%-i kabinetin işini bəyənmir və respondentlərin yalnız 11%-i hakimiyyətin fəaliyyətindən razıdır.