Pittsburqdakı sinaqoqa edilən hücumdan dolayı böyük kədər və dəhşət içindəyəm.

Axar.az xəbər verir ki, bunu İsrail Baş naziri Benyamin Netanyahu ABŞ-ın Pensilvaniya ştatında sinaqoqa edilən hücuma münasibət bildirərkən deyib. O, ölənlərin ailələrinə başsağlığı verib:

“Bütün İsrail xalqı, həlak olanların ailələri ilə birgə, dərin kədər və üzüntü içindədir. Biz Pittsburqdakı yəhudi cəmiyyətinin yanındayıq. ABŞ xalqı ilə birlikdə mərhəmətsiz, antisemit vəhşiliyə qarşı dayanacağıq”.

Qeyd edək ki, ötən gün ABŞ-ın Pensilvaniya ştatının Pittsburq şəhərində insanların toplaşdığı sinaqoqlardan birinə 48 yaşlı Bauer olduğu bildirilən hitlerçi silahlı hücum təşkil edib. Hadisə nəticəsində ən az 8 nəfər həlak olub, 6 nəfər yaralanıb.