İsrailin baş naziri Binyamin Netanyahu İstanbul Baş Konsulluğunda qətlə yetirilən səudiyyəli jurnalist Camal Qaşıqçı haqqında ilk dəfə açıqlama verib.

Open.az xarici mətbuata istinadən xəbər verir ki, o, baş verən hadisələrin dəhşətli olduğunu bildirib.

"Bu problemlə düzgün şəkildə məşğul olmalıyıq", - deyə Netanyahu söyləyib.

Digər tərəfdən İsrailin Energetika naziri Yuval Steinitz də qatıldığı bir radio proqramında bəyanatlar verib: "Qaşıqçının öldürülməsi kobud səhvdir. Lakin İsrailin daha mühüm problemi var. O da İranla mübarizədə Körfəz ölkələri ilə əlaqəmizi möhkəmlətməkdir".