Suriyanın Hələb əyalətinin qərbində Dar-İzza şəhəri ətrafında “ən-Nusra Cəbhəsi” ilə “Nuriddin əz-Zinki” radikal qruplaşmaları arasında gedən döyüşlərdə iki tərəfdən 40 silahlı ölüb.

SalamNews bu barədə müxalifət yönümlü “Suirya İnsan Hüquqları Müşahidə Qrupu”na istinadla xəbər verir.

Bildirilib ki, əl-Qaidənin sabiq qanadı hesab edilən “ən-Nusra Cəbhəsi” (digər adı Heyət Təhrir-Şam) ötən gündən başlatdığı hücum nəticəsində bu bölgədə 5 kəndi digər qruplaşmalardan geri alıb və Dar-İzza şəhərinə daxil olub

Qeyd edək ki, İdlibi və Hələbin qərbini nəzarətdə saxlayan “Heyət Təhrir-Şam”, “Cəbhəl-Vətəniyyə lit-Tahrir”, “Nuruddin əz-Zinki” və sair birləşmələr Türkiyə Ordusu ilə birgə bölgənin idarə edilməsi zəminində koordinasiya edirlər. İdlibdəki radikal qruplaşmaların bir-birilə döyüşü ara sıra baş verir.