İranın cənub-qərbindəki Çahar-Mahal və Bəxtiyari əyalətində təcili tibbi yardım vertolyotunun qəzaya uğraması nəticəsində 5 nəfər həyatını itirib.

Open.az xəbər verir ki, bu barədə İranın "Mehr" agentliyi məlumat yayıb.

Hamilə bir qadını götürmək üçün havaya qalxan təcili tibbi yardım vertolyotunun əyalətə bağlı Şehrikürd kəndində qəzaya uğradığı bildirilib.

Vertolyotdakı 3 nəfərlik ekipaj ilə 2 təcili yardım işçisi dünyasını dəyişib.

Hadisənin səbəbləri araşdırılır.