Britaniyada dəmiryolçular 27 günlük tətil keçirməyi planlaşdırır

6-11-2019, 07:11           
Britaniyada dəmiryolçular 27 günlük tətil keçirməyi planlaşdırır
Britaniyanın Cənub-qərb dəmir yolu (SWR) işçiləri işəgötürənin əvvəlki razılaşmalara riayət etməməsinə etiraz olaraq dekabr ayında 27 günlük tətil keçirməyi planlaşdırır.

APA-nın “RİA Novosti”yə istinadən verdiyi məlumata görə, bu barədə SWR birliyinin bəyanatında qeyd edilib.

Dəmiryolçular işəgötürənin qatarlarda idarəetmə sistemi ilə bağlı razılaşmalarını yerinə yetirmədikləri səbəbindən etirazlara başlamaq niyyətində olduqlarını bildirir.

Tətillərin dekabrın 2-dən 11-dək, dekabrın 13-dən 24-dək və dekabrın 27-dən 1 yanvar 2020-dək keçiriləcəyi deyilir.

Həmin tarixlərdə heç bir dəmiryolçunun işə çıxmaması qərara alınıb.

Qeyd edək ki, işəgötürən tərəf ötən ildən qatarları müşayiət üçün nəzərdə tutulmuş mühafizəçilərin sayını azaltmaq qərarına gəlib. Həmin ilin iyun ayında SWR işçiləri rəhbərliyin qatar müşayiətçilərini ixtisar qərarına etiraz olaraq beşgünlük tətil keçirmişdi.












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru