Kiyev Moskvaya “Krım artıq Ukraynaya lazım deyil” siqnalı göndərir.

Axar.az xəbər verir ki, bu sözləri Rusiya Dövlət Dumasının Krımdan olan deputatı Ruslan Balbek Ukrayna Prezidentinin müşavirinin Krımla bağlı açıqlamasını şərh edərkən deyib.

O bildirib ki, ukraynalı siyasətçilər öz simalarını qorumağa və özününki olanları tələb etməyə cəhd edirlər:

“Çətin, amma səmimi etirafdır. Krım infrastrukturu, hakimiyyəti və mentaliteti ilə Ukrayna üçün yad yerdir”.

Qeyd edək ki, Vladimir Zelenskinin müşaviri Anton Korineviç ölkəsinin Krımı qaytarmağa qadir olmadığını bildirmişdi.